Իրեն աշխարհի լավագույններից է համարում. UFC-ի չեմպիոնը՝ Ծառուկյանի մասին

Փի Էֆ Էլ-ի թեթև քաշային կարգի  չեմպիոն Ուսման Նուրմագոմեդովը խոսել է UFC-ի մարտիկների մակարդակի մասին՝ անդրադառնալով նաև Արման Ծառուկյանին։

Նուրմա-գոմեդովը հիշեցրել է Ծառուկյանի պարտությունները Մաթեուշ Գամրոտին և Իսլամ Մախաչևին՝ նշելով, որ հայ մարտիկը հազվադեպ է մենամարտում, սակայն իրեն համարում է աշխարհի լավագույններից մեկը։

«Քանի դեռ նա երկու մենամարտ է անցկացրել, ես հասցրել եմ չորս անգամ պաշտպանել տիտղոսս։ UFC-ում կարող են շատ խոսել․ այնտեղ PR-մեքենան շատ հզոր է»,- Նուրմա-գոմեդովի խոսքերը մեջբերում է Sport24-ը։

Նա նաև կարծիք է հայտնել, որ UFC-ի թեթև քաշային կարգում մրցակցության մակարդակն այնքան բարձր չէ, որքան ներկայացվում է։

Հիշեցնենք՝ Արման Ծառուկյանն իր հաջորդ մենամարտը կանցկացնի սեպտեմբերի 19-ին Լոս Անջելեսում՝ UFC 331 մրցաշարում։ Նրա մրցակիցը կլինի բրազիլացի Մաուրիսիո Ռուֆին։