ԱԺ-ում մեկնարկել է Օհանյանի գործով քննարկումը. նիստը դռնփակ է

 Ազգային ժողովում մեկնարկել է «Հայաստան» խմբակցության ղեկավար, ՀՀ նախկին պաշտպանության նախարար Սեյրան Օհանյանի նկատմամբ հանրային քրեական հետապնդում հարուցելու հարցի քննարկումը։ Նիստը կրկին դռնփակ է։ 

Հիշեցնենք` ՀՀ գլխավոր դատախազ Աննա Վարդապետյանը «Հայաստան» խմբակցության ղեկավար Սեյրան Օհանյանի նկատմամբ հանրային քրեական հետապնդում հարուցելու մասին միջնորդություն է ներկայացրել։ 
Օհանյանը մեղադրվում է այն բանում, որ oգտագործելով պաշտոնեական դիրքը՝ առանձնապես խոշոր չափերով վատնում է կատարել (2 դրվագ), ինչպես նաև անձնական այլ շահագրգռվածությունից և խմբային շահերից ելնելով` իր պաշտոնեական դիրքը ծառայության շահերին հակառակ է օգտագործել, որն անզգուշությամբ առաջացրել է ծանր հետևանքներ (2 դրվագ)։