«ՌԴ-ն ՀՀ-ի առանցքային գործընկերն է՝ անվտանգության ոլորտում». հայտնի է` ինչ են քննարկել Փաշինյանն ու ՌԴ վարչապետը
Ռուսաստանը կողմ է Անդրկովկասում տրանսպորտային և տնտեսական կապերի ապաշրջափակմանը, հայտարարել է ՌԴ վարչապետ Միխայիլ Միշուստինը՝ ՀՀ վարչապետ Նիկոլ Փաշինյանի հետ հանդիպման ժամանակ: Տեղեկատվությումը փոխանցում է ՏԱՍՍ-ը։
«Մենք ավանդաբար հանդես ենք գալիս Անդրկովկասում տնտեսական և տրանսպորտային կապերի ապաշրջափակման օգտին, կարևոր ենք համարում Ռուսաստանի, Հայաստանի և Ադրբեջանի ղեկավարների կողմից ձեռք բերված պայմանավորվածությունների իրականացումը»,- ասել է Միշուստինը:
«Նոր տրանսպորտային, ենթակառուցվածքային ուղիների ստեղծումը բխում է տարածաշրջանի բոլոր երկրների շահերից»,- հավելել է Միշուստինը:
Հանդիպման ընթացքում Նիկոլ Փաշինյանն ուշադրություն է հրավիրել Լաչինի միջանցքի արգելափակման խնդրի վրա՝ նշելով, որ «Լեռնային Ղարաբաղում հումանիտար ճգնաժամը խորանում է»: Փաշինյանը հավելել է, որ Ռուսաստանի Դաշնությունը Հայաստանի Հանրապետության առանցքային գործընկերն է՝ անվտանգության ոլորտում։
