Կարեն Խաչանովը 3-րդ հորիզոնականում է

Ռուսաստանը ներկայացնող հայազգի թենիսիստ Կարեն Խաչանովը Ավստրալիայի բաց առաջնությունից հետո (Australian Open) զբաղեցնում է Պրոֆեսիոնալ թենիսիստների ասոցիացիայի (ATP) չեմպիոնական մրցավազքի երրորդ հորիզոնականը: 

Մրցաշարի առաջատարը սերբ թենիսիստ  Նովակ Ջոկովիչն է, որը երեկ 10-րդ անգամ հաղթեց «Australian Open»-ում։ Նրան հաջորդում է հույն թենիսիստ Ստեֆանոս Ցիցիպասը:

Ցիցիպասը 24 տարեկան է։ Նա աշխարհի չորրորդ ռակետն է և Պրոֆեսիոնալ թենիսիստների միության (ATP) 9 մրցաշարերի հաղթող անհատական կարգում։

Ավելի վաղ հայտնել էինք, որ Կարեն Խաչանովը հասավ Ավստրալիայի բաց առաջնության կիսաեզրափակիչ, սակայն պարտվեց Ցիցիպասին: