ՏԵՍԱՆՅՈՒԹ. Ուկրաինան հզոր հրթիռային հարձակման տակ է
Ամբողջ Ուկրաինայում հայտարարված օդային հարձակումների մասին ահազանգը հնչում է առավոտից։ Ուկրաինայի մի քանի շրջանները ինտենսիվորեն հրթիռային հարվածների են ենթարկվել: Վաղ առավոտից ուկրաինական լրատվամիջոցները ակտիվորեն տեղեկացնում են հնչած հզոր պայթյունների մասին:
Հաղորդվում են Կիևի և Դնեպրոպետրովսկի մարզերում, Վիննիցայում և Օդեսայում եղած պայթյունների մասին, իսկ Նիկոլաևի շրջանում տրամվայներն ու տրոլեյբուսները դեռ չեն աշխատում «հրթիռային հարձակման վտանգի պատճառով»։
Պաշտպանության նախարարության տվյալներով՝ արկերն ուղղված են էներգետիկայի, պաշտպանական արդյունաբերության, ռազմական հրամանատարության և կապի օբյեկտներին։
Ուկրաինական լրատվամիջոցները գրում են, որ կատարվողը կապված է ՀՕՊ համակարգերի շահագործման հետ։
Հիշեցնենք, որ ռուսական թեւավոր հրթիռները ուժգին հարվածել են Կիևի և Օդեսայի շրջանների թիրախներին. ականատեսները տեսանյութեր են հրապարակել, իսկ Կիևի քաղաքապետ Վիտալի Կլիչկոն հաղորդել է նոր հարձակումների մասին:
