ԵԱՀԿ-ն զբաղվում է «քաղաքական դիակների» դիվանագիտությամբ․ Զախարովա
ԵԱՀԿ-ն զբաղվում է «քաղաքական դիակների» դիվանագիտությամբ, քանի որ նրա ներկայացուցիչներին չեն լսում, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Տիկին Թերեզա Ռիբեյրոյի (ԵԱՀԿ մամուլի ազատության հարցերով ներկայացուցչի պաշտոնում) գալով՝ ես չեմ կարծում, որ դա նրա անձնական հատկանիշն է, ես կարծում եմ, որ սա ընդհանուր առմամբ փոխված վեկտոր է հենց կազմակերպության ներսում, քարտուղարության ներսում, նրա նախագահության շրջանակներում՝ կարդինալ փոփոխություններ կան»,- ասել է Զախարովան Soloviev Live-ի եթերում։
Մասնավորապես Զախարովան նշել է, որ ԵԱՀԿ-ն դադարեց արձագանքել ռուսական կողմից իրեն ուղարկված նյութերին։
«Այս կամ այն մանդատով զբաղվող (ԵԱՀԿ) լիազորները մահացել են, չեն լսվում, չեն երեւում, ու ցավոք, սա չեզոք գործընթաց չէ»,- դժգոհեց ԱԳՆ ներկայացուցիչը։
Նրա խոսքով՝ կազմակերպության ներսում տեսանելի են գործընթացներ՝ «կապված այս կառույցի լիակատար դեգրադացիայի հետ»։
Միևնույն ժամանակ, Ռիբեյրոյի նախորդ Արլեմ Դեզիրը «մարդ էր, ով իսկապես փորձում էր օբյեկտիվորեն նայել իրերին», - ասել է ՌԴ ԱԳՆ ներկայացուցիչը։ «Նա օգտագործել է ռուսական կողմի տրամադրած նյութերը՝ զեկույցներ պատրաստելու համար»,- ասաց նա։
Նրա խոսքով, այն ժամանակ ԵԱՀԿ-ն դրսևորեց համաչափություն իր անդամների շահերից՝ «այս կամ այն կողմի դիրքորոշումից»։ «Միջազգային կազմակերպությունը չպետք է պաշտպանի մեկ պետության, այն պետք է լինի օբյեկտիվ»,- ամփոփել է Զախարովան։
