Ռուսաստանը կապ չունի Ռուբեն Վարդանյանի` Լեռնային Ղարաբաղ մեկնելու որոշման հետ. Լավրով
Ռուսաստանի իշխանությունները կապ չունեն «Տրոյկա Դիալոգ» ներդրումային ընկերության նախկին սեփականատեր Ռուբեն Վարդանյանի և Լեռնային Ղարաբաղ մեկնելու նրա որոշման հետ: Այս մասին ասել է ՌԴ ԱԳ նախարար Սերգեյ Լավրովը, գրել է Kp.ru-ն:
«Պարոն Վարդանյանը Ռուսաստանի հետ կապ չունի, ՌԴ իշխանությունները նրա հետ կապ չունեն։ Մենք ոչ մի գործ չենք ունեցել՝ կապված նրան Ղարաբաղ ուղարկելու և քաղաքական կյանքին մասնակցելու նրա որոշման հետ», - ասել է դիվանագետը մամուլի ասուլիսի ժամանակ։
Հիշեցնենք, որ ավելի վաղ Ադրբեջանի արտգործնախարար Ջեյհուն Բայրամովը Վարդանյանից պահանջել էր հեռանալ Լեռնային Ղարաբաղից։
Նոյեմբերի սկզբին Արցախի նախագահ Արայիկ Հարությունյանը Ռուբեն Վարդնյանին նշանակել է պետնախարար։ Մինչ այս միլիարդատերը հայտարարել էր Ռուսաստանի քաղաքացիությունից հրաժարվելու մասին՝ կապված Ղարաբաղ մեկնելու հետ։
Նախօրեին ՌԴ նախագահ Վլադիմիր Պուտինը բավարարել էր գործարարի՝ ՌԴ քաղաքացիությունից հրաժարվելու դիմումը։
Նմանատիպ հոդվածներ
Ավելին Քաղաքականություն բաժնից
Դատախազությունը պահանջում է Մխիթար Զաքարյանից բռնագանձել 12 անշարժ գույք
Պատրաստ եմ հոգեկան առողջության թեստ հանձնել. Քոչարյան
Հայտնի է «Լուսավոր Հայաստանի» նախընտրական ցուցակի առաջին 5–յակը
