Կրեմլից պատասխանել են Պուտինի և Բայդենի հնարավոր հանդիպման մասին հարցին
Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի հնարավոր հանդիպման վերաբերյալ նախնական շփումներ չկան, ասել է ՌԴ նախագահի մամուլի քարտուղար Դմիտրի Պեսկովը։
«Այդ հարցով նախնական շփումներ չկան»,- լրագրողներին ասել է Պեսկովը՝ պատասխանելով համապատասխան հարցին։
Հիշեցնենք՝ Պուտինը ասել էր, որ Ռուսաստանը երբեք չի հրաժարվել Ուկրաինայի հետ բանակցություններից, հենց Կիևն է իրեն արգելել երկխոսություն վարել, ինչը որոշ չափով անսովոր և նույնիսկ տարօրինակ է թվում: Դրանից հետո ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին ասել է, որ ԱՄՆ-ը կարծում է, որ Ռուսաստանի ղեկավարությունը պատրաստ չէ Ուկրաինայի հակամարտության կարգավորման բանակցություններին։
