Կլաարը՝ եվրոպացի դիտորդների՝ Լաչինի միջանցքում հայտնվելու լուրերի մասին
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը թվիթերյան իր էջում գրել է.
«Տեսանյութ է տարածվում այն մասին, թե ինչպես են Եվրոպական Միության առաքելության դիտորդները դիտարկում իրականացնում Լաչինի միջանցք տանող ճանապարհին։ Դիտորդն այդ ժամանակ եղել է հայ–ադրբեջանական սահմանից մոտ 1.2 կմ հեռավորության վրա գտնվող անցակետում։ ԵՄ դիտորդական առաքելությունը, իր մանդատի համաձայն, գործում է բացառապես Հայաստանի տարածքում և միջանցքի հատված չի մտել»,– գրել է Կլաարը։
Հիշեցնենք՝ ավելի վաղ տեանյութ էր տարածվում և նշվում, որ եվրոպացի դիտորդները անսպասելիորեն հայտնվել են Լաչինի միջանցքում:
