Լավրովը՝ հայկական կողմի՝ եռակողմ հանդիպումից հրաժարվելու մասին
ՌԴ ԱԳ նախարար Սերգեյ Լավրովը Մոսկվայում Ադրբեջանի արտգործնախարար Ջեյհուն Բայրամովի հետ հանդիպմանը ափսոսանք է հայտնել, որ հայկական կողմը հրաժարվել է եռակողմ հանդիպումից։ Նա նշեց, որ Երևանը վերջին պահին որոշել է չմասնակցել միջոցառմանը։ Տեղեկատվությունը փոխանցում է News.ru-ն:
«Այսօր մենք պայմանավորվեցինք մեր տարածքում անցկացնել Ադրբեջանի և Հայաստանի արտաքին գործերի նախարարների հանդիպումը՝ շարունակելու խաղաղության պայմանագրի քննարկումը։ Մենք պատրաստվում էինք այս միջոցառմանը, սակայն, ցավոք, վերջին պահին մեր հայ գործընկերները հրաժարվեցին գալ Մոսկվա՝ դա բացատրելով տեղում տիրող իրավիճակով։ Ցավալի է, որ նման հնարավորությունը բաց թողնվեց»,- ասել է Լավրովը։
Հիշեցնենք, որ հայկական կողմը խնդրել է Մոսկվային հետաձգել նախատեսված եռակողմ հանդիպումը, քանի որ ԱԳ նախարար Արարատ Միրզոյանի առաջնային խնդիրը Ղարաբաղի հետ կապերի վերականգնումն է։ Նա հավելել է, որ Երեւանը հաստատել է իր մասնակցությունը բանակցություններին մինչեւ Լաչինի միջանցքի փակումը։
