Թուրքիայում միկրոավտոբուսն ընկել է ջրանցքը. փրկարարները դիերը դուրս են բերել
Այսօր Թուրքիայի հարավ–արևելքում միկրոավտոբուսի վթարի հետևանքով առնվազն 9 մարդ է մահացել։ Այս մասին հայտնում է DHA գործակալությունը։ Աղբյուրի տվյալներով` միկրոավտոբուսի վարորդը չի կարողացել կառավարել մեքենան և այն Շանլիուրֆա գավառի Հարրան քաղաքի շրջանում ընկել է ոռոգման ջրանցքը։
Դեպքի վայր ժամանած փրկարարները ջրից 9 մարմին են դուրս բերել։ Մեկ տուժած հիվանդանոց է տեղափոխվել։
