Էս թիթիզության պատճառով քաղաքը երկու օրով մետրոյազուրկ են անելու․ քաղաքագետ
Էս թիթիզության պատճառով քաղաքը երկու օրով մետրոյազուրկ են անելու։ Այս մասին ֆեյսբուքյան իր էջում գրել է քաղաքագետ Տիգրան Գրիգորյանը և գրառմանը կից հրապարակել լուսանկար։
Հիշեցնենք՝ երեկ հայտնի դարձավ, որ Երևանի մետրոն դեկտեմբերի 6-7-ը ժամը 11:00-18:00-ն չի գործի։ Այս մասին հայտնեցին մետրոպոլիտենից և նշեցին, որ պատճառը «Մանկական Եվրատեսիլ-2022»-ի համար Հայաստանի պատմության և մշակույթի մասին հաղորդման նկարահանումներն են։
Հայաստանը «Մանկական Եվրատեսիլ» երգի մրցույթին առաջին անգամ մասնակցել է 2007 թվականին: «Մանկական Եվրատեսիլ» երգի մրցույթին Հայաստանը հաղթանակ է տարել երկու անգամ: 2010 թվականին Հայաստանին հաղթանակ է բերել Վլադիմիր Արզումանյանը իր «Մամա» երգով, իսկ 2021 թվականին երգի մրցույթում հաղթող ճանաչվեց Մալենան իր «Քամի, քամի» երգով:
