«Նրանք ոչ թե խաղաղապահներ են, այլ հայամետ ուժեր». ադրբեջանցի պատգամավորը` ՌԴ-ի վարած քաղաքականության մասին

Միլի Մեջլիսի այսօրվա նիստում պատգամավոր Ֆազաիլ Աղամալին ասել է, որ այսօր Ռուսաստանը նույնպես հակաադրբեջանական քաղաքականություն է վարում։ Այս մասին հայտնում են ադրբեջանական լրատվամիջոցները:

«Մի կողմից՝ Պուտինի ստորագրած եռակողմ հայտարարությունը, մյուս կողմից՝ Լավրովի հայտարարություններն Ադրբեջանի դեմ։ Մյուս կողմից, ռուսական խաղաղապահ ուժերի հրամանատարը լիազորված չէ ինքնուրույն գործել։ Ըստ էության, նրանք ոչ թե խաղաղապահներ են, այլ հայամետ ուժեր»,-ասել է ադրբեջանցի պատգամավորը:

Պատգամավոը նաև նշել է, որ «Լաչինի միջանցքում» պետք է ստեղծեն իրենց վերահսկողական պաշտոնը։

Նա նաև ընդգծել է, որ Իրանի հակաքարոզչական արշավը Ադրբեջանի դեմ, ինչպես նաև Ֆրանսիայի հակաքարոզչական արշավը շարունակվելու է։