ՆԱՏՕ-ի երկրները կավելացնեն դաշինքի զենքի պաշարները. Սթոլթենբերգ
ՆԱՏՕ-ի անդամ երկրների պաշտպանության նախարարները պայմանավորվել են ավելացնել դաշինքի զենքի պաշարները։ Այս մասին մամուլի ասուլիսի ժամանակ հայտարարել է ռազմական դաշինքի ղեկավար Յենս Սթոլթենբերգը, գրում է RT-ն:
«Դաշինքի երկրները մտադիր են ավելացնել «զենքի, զինամթերքի և տեխնիկայի» պաշարները՝ հզորացնելու հնարավորությունները և արագացնելու ՆԱՏՕ-ի պաշտպանական պլանավորման գործընթացը», ասել է նա։
Ավելի վաղ ԱՄՆ ռազմական հետախուզության սպա Ջոզեֆ Դոնատոն հայտարարել էր, որ այս ձմռանը ԱՄՆ պաշտպանական հատվածի ծանր վիճակը կխանգարի Ուկրաինային զենքի մատակարարմանը:
