19:00 Լուրերը մեկ տողով. Հերքում, անվտանգության հարցեր, քաղաքական զարգացումներ

Անցած ժամվա լուրերը՝ հակիրճ և բովանդակային.

·  Միգրացիայի և քաղաքացիության ծառայությունը հերքել է «Բայրաքթարի» գործընկերոջ՝ կենսաչափական համակարգի մրցույթում հաղթելու մասին հրապարակումը՝ այն որակելով ապատեղեկատվություն։ 

·   Փոխվարչապետ Մհեր Գրիգորյանն ու ՏԿԵ նախարար Դավիթ Խուդաթյանն այցելել են Հայկական ԱԷԿ, որտեղ քննարկվել է երկրորդ էներգաբլոկի շահագործման ժամկետի երկարաձգման ընթացքը։ 

·  Փրկարար ծառայության մի խումբ ծառայողներ պարգևատրվել են Փամբակ գետում իրականացված լայնածավալ որոնողական աշխատանքներին ակտիվ մասնակցության համար։ 

·   Նարեկ Կարապետյանը հայտնել է, որ մանդատները վերցնելու վերաբերյալ վերջնական որոշում դեռ չկա, իսկ հետագա քայլերը կհայտարարվեն ՍԴ որոշումից հետո։ 

·   Կրեմլը քննադատել է ռուս մարմնամարզիկներին ազգային դրոշով հանդես գալու արգելքը և ողջունել հավաքականի՝ մրցաշարից հրաժարվելու որոշումը։ 

·   Իսրայելը Լիբանանի հարավի բնակիչներին կոչ է արել անհապաղ տարհանվել՝ տվյալ տարածքը հայտարարելով վտանգավոր գոտի։ 

·  ԱՄՆ ազգային անվտանգության նախկին խորհրդականը դատարանում ընդունել է գաղտնի տեղեկատվությունը ապօրինի պահելու մեղքը, իսկ դատավճիռը կհրապարակվի հոկտեմբերին։ 

·  ԱՄՆ-ն քննարկում է Մերձավոր Արևելքում իր ռազմական ներկայության վերադասավորումը՝ Իրանի հարվածներից հետո տարածաշրջանային բազաների անվտանգությունը վերանայելու նպատակով։ 

·   Մեծ Բրիտանիայում գրանցվել է հունիս ամսվա օդի ջերմաստիճանի նոր ռեկորդ, իսկ ծայրահեղ շոգի պատճառով փակվել են դպրոցներ և մի շարք հանրային հաստատություններ։