Սերդար Քըլըչը քննարկել է Թուրքիա-Հայաստան հարաբերությունների կարգավորումը

Թուրքիայի պետական «Anadolu» լրատվական գործակալության ռազմավարական վերլուծությունների վարչության ղեկավար Բիլգայ Դումանի մոդերատորությամբ կայացել է «Առանցք․ Հայաստան» ծրագիրը։

Միջոցառման բանախոսը Հայաստան-Թուրքիա հարաբերությունների կարգավորման գործընթացում Թուրքիայի հատուկ ներկայացուցիչ Սերդար Քըլըչն էր, ում հետ քննարկվել են երկու երկրների հարաբերությունների կարգավորման տարածաշրջանային ու գլոբալ ազդեցությունները։

Քըլըչն իր խոսքում գնահատական է տվել Թուրքիա-Հայաստան հարաբերություններին, երկկողմ կարգավորման գործընթացին, ինչպես նաև այդ հարաբերությունների տարածաշրջանային, միջազգային և երկկողմ հարթություններին։ Ծրագրի եզրափակիչ մասում հատուկ ներկայացուցիչը պատասխանել է նաև ներկաների հարցերին։