Պեկինում թեթև շարժիչով ինքնաթիռը բախվել է «China Zun» երկնաքերին

Չինաստանի մայրաքաղաք Պեկինի Չաոյան կենտրոնական գործարար թաղամասում գտնվող 109-հարկանի «China Zun» («CITIC») երկնաքերին թեթև շարժիչով օդանավ է բախվել, հայտնում է The Sun-ը։

528 մետր բարձրությամբ շենքին բախվելու պատճառով ինքնաթիռն ամբողջությամբ ոչնչացել է, իսկ աշտարակի առնվազն երկու պատուհան կոտրվել է։ Ըստ ականատեսների՝ պատահարի վայրից վեր է բարձրացել խիտ ծուխ, իսկ օդանավի մասնատված բեկորներն ընկել են երկնաքերի առաջին հարկի մոտակայքում։ 

Միջադեպից հետո շենքի ներսում գտնվողների զանգվածային տարհանում է կազմակերպվել, սակայն զոհերի ու վիրավորների հստակ քանակի վերաբերյալ տվյալներ դեռևս չկան։ Փրկարարները շարունակում են գործունեությունը դեպքի վայրում, որպեսզի հստակեցնեն կատարվածի մանրամասները։ Թե ինչ դրդապատճառներով է օդաչուն օդանավը վարել դեպի երկնաքերը, դեռ ենթակա է պարզման։