Ռուսաստանում բարձրանում է հասարակական տրանսպորտի ուղեվարձը

Վառելիքի դեֆիցիտով պայմանավորված երթուղիների կրճատումներից և աշխատանքային սահմանափակումներից հետո ՌԴ մարզերում սկսվել է հասարակական տրանսպորտի գների աճ։

Այս իրավիճակի մասին արդեն իսկ բարձրաձայնել են առնվազն չորս տարածաշրջանների՝ Իրկուտսկի, Վլադիմիրի, Իվանովոյի և Կալուգայի բնակիչները։

Իվանովոյի հարևանությամբ տեղակայված Ֆուրմանով քաղաքում հունիսի 25-ից ուղևորափոխադրող ընկերությունը կտրուկ ավելացրել է դեպի մարզկենտրոն ուղևորվող ավտոբուսների տոմսերի արժեքը. նախկին 170 ռուբլու ($2.24) փոխարեն քաղաքացիներն այժմ ստիպված են վճարել 210 ռուբլի ($2.76)։ Ֆուրմանովում պարզաբանել են, որ նման որոշումը պայմանավորված է դիզելային վառելիքի և բենզինի գների կտրուկ աճով։