Ռուսաստանը և Ուկրաինան իրականացրել են ռազմագերիների նոր փոխանակում

Ռուսաստանը ուկրաինական գերությունից հայրենիք է վերադարձրել 160 ռուս զինվորականի, իսկ ուկրաինական կողմին է փոխանցվել Ուկրաինայի զինված ուժերի 160 զինծառայող։

Ռուսաստանի պաշտպանության նախարարությունը տեղեկացրել է, որ հունիսի 26-ին կիևյան ռեժիմի վերահսկողության ներքո գտնվող տարածքից տուն է վերադարձվել 160 ռուս զինծառայող, ինչի դիմաց հակառակ կողմին է հանձնվել Ուկրաինայի զինված ուժերի 160 ռազմագերի, հայտնում է TACC-ը:

Գերատեսչության փոխանցմամբ՝ ազատ արձակված ռուս զինծառայողներն այս պահին գտնվում են Բելառուսի Հանրապետության տարածքում, և նրանց հետ աշխատանք է տանում Ռուսաստանում մարդու իրավունքների լիազոր Յանա Լանտրատովան։ Ուկրաինական գերությունից ռուսական կողմի զինվորների վերադարձի գործընթացում հումանիտար բնույթի միջնորդական աջակցություն են ցուցաբերել Արաբական Միացյալ Էմիրությունները։