17:00 Լուրերը մեկ տողով. Արտահերթ նիստ, կեղծ ահազանգ, Ռուսաստանի արձագանք

Անցած ժամվա լուրերը՝ հակիրճ և բովանդակային.

·  ՀՀ ՆԳՆ-ն հերքել է X հարթակում տարածվող կեղծ տեսանյութը, որը զգուշացնում էր Կոտայքում սպասվող 7.4 մագնիտուդով երկրաշարժի մասին։

·   Ազգային ժողովը կառավարության նախաձեռնությամբ հուլիսի 2-ին կգումարի արտահերթ նստաշրջան։ 

·   Էկոնոմիկայի նախարարությունը վստահեցնում է, որ 2026-ին ծիրանի արտահանման լուրջ խնդիրներ չեն սպասվում, իսկ Ռուսաստանի հետ սահմանափակումների հարցով բանակցությունները շարունակվում են։ 

·  Թուրքիայում քննարկվել են Հայաստան-Թուրքիա հարաբերությունների կարգավորման ընթացքն ու դրա տարածաշրջանային ազդեցությունները։ 

·   ՌԴ ԱԳՆ-ն քննադատել է Նիկոլ Փաշինյանի հայտարարությունները՝ կասկածի տակ դնելով Հայաստանի ԵԱՏՄ անդամակցության անկեղծությունը։ 

·   73 տարեկանում մահացել է Ռուսաստանի պաշտպանության նախկին նախարար Սերգեյ Իվանովը։ 

·   ԱՄՆ-ն ժամանակավորապես մեղմացրել է Վենեսուելայի նկատմամբ պատժամիջոցները՝ երկրաշարժից տուժածներին օգնություն տրամադրելու նպատակով։ 

·  Ռուսաստանն ու Ուկրաինան ԱՄԷ-ի միջնորդությամբ փոխանակել են 160-ական ռազմագերի։ 

·  Ռուսաստանում վառելիքի թանկացման և դեֆիցիտի ֆոնին մի շարք մարզերում բարձրանում են հասարակական տրանսպորտի ուղեվարձերը։ 

·   «Հեզբոլլահ»-ի առաջնորդը հայտարարել է, որ Լիբանանը չպետք է ենթարկվի ԱՄՆ-ի և Իսրայելի ճնշմանը և բացառել է Իսրայելի հետ որևէ կարգավորում։