Ջոն Քիրբին մեկնաբանել է Բայդենի՝ միջուկային սպառնալիքի մասին արված հայտարարությունը
ԱՄՆ Ազգային անվտանգության խորհրդի պաշտոնական ներկայացուցիչ Ջոն Քիրբին ABC News-ին տված հարցազրույցում ասել է, որ Միացյալ Նահանգների նախագահ Ջո Բայդենի ավելի վաղ արած զգուշացումը՝ Կուբայի հրթիռային ճգնաժամից հետո «արմագեդոնի» ամենաբարձր ռիսկի մասին, պատերազմի բարձր խաղադրույքների արտացոլումն է, ոչ թե հետախուզական նոր տեղեկատվություն, որն ստացել է ԱՄՆ:
«Կուբայի հրթիռային ճգնաժամից հետո առաջին անգամ մենք ուղղակի միջուկային սպառնալիքի ականատես ենք, եթե ամեն ինչ իրոք ընթանա այնպես, ինչպես որ է», - ասել է Բայդենը:
«Բայդենի մեկնաբանությունները հիմնված չեն հետախուզության նոր ցուցումների վրա այն մասին, որ Պուտինը միջուկային զենք կիրառելու որոշում է կայացրել, եւ, անկեղծ ասած, մենք որեւէ ցուցում չունենք, որ նա նման որոշում է կայացրել»,- ասել է Քիրբին։
«Նախագահը մտածում էր, որ այժմ խաղադրույքները մեծ են՝ հաշվի առնելով այն, ինչ տեղի է ունենում Ուկրաինայում մարտի դաշտում, եւ շատ անպատասխանատու եւ անխոհեմ մեկնաբանությունները, որոնք Վլադիմիր Պուտինը արել է վերջին մի քանի օրվա ընթացքում», - նշել է Ազգային անվտանգության խորհրդի պաշտոնական ներկայացուցիչը:
