«Հենց դրան են սպասում Ռուսաստանի քաղաքացիները». Մեդվեդև
Ռուսաստանը Ղրիմի կամրջի դեմ ուկրաինական ահաբեկչությանը պետք է պատասխանի միայն ահաբեկիչների ուղղակի ոչնչացմամբ: Այս մասին հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը: Տեղեկատվությունը փոխանցում է ՏԱՍՍ-ը:
«Ռուսաստանի պատասխանն այս հանցագործությանը կարող է լինել միայն ահաբեկիչների ուղղակի ոչնչացումը: Ինչպես ընդունված է աշխարհում: Հենց դրան են սպասում Ռուսաստանի քաղաքացիները»,- ասել է Մեդվեդևը: Նրա խոսքով՝ «հանցագործության պատվիրատուն ու հեղինակը Ուկրաինայի ձախողված պետությունն է։
«Սա ահաբեկչություն և դիվերսիա է, որը կատարվել է Կիևի հանցավոր ռեժիմի կողմից։ Կասկած չկա, և չի եղել։ Բոլոր զեկույցներն ու եզրակացությունները արված են»,- ընդգծել է ՌԴ ԱԽ փոխնախագահը։
