Երևան 6°C

USD - 395.53 EUR - 393.43 RUB - 6.42

«Նրանց կարող է պետք գալ լողալու ունակությունը». Թուրքիայի ՊՆ-ն՝ Հունաստանին

Թուրքիայի պաշտպանության նախարար Հուլուսի Աքարը թուրքական թերթին տված հարցազրույցում Հունաստանի իշխանություններին կրկին մեղադրել է Էգեյան ծովի արևելյան հատված կղզիներում սադրիչ գործողությունների համար։ Աքարի այս հայտարարությունը հնչելէ Հունաստանի պաշտպանության նախարարի՝ Կաստելորիզո կղզի կատարած այցից մի քանի օր անց։

 

Կղզին գտնվում է թուրքական ափից ընդամենը երկու կիլոմետր հեռավորության վրա, ինչը Աքարը բնութագրել է որպես «ուղղակի հասանելիության գոտի»։

 

«Հունական այս սադրանքների պատճառով մենք մի պահ մոռացել էինք, որ նրանք լողալ գիտեն։ Եթե այս պահվածքը պահպանվի, ապա նրանց կարող է պետք գալ լողալու ունակությունը», - ասել է Թուրքիայի պաշտպանության նախարարը։

 

Թուրքիայի ռազմական գերատեսչության ղեկավարը մեկ անգամ ևս նշել է, որ Հունաստանը պետք է ապառազմականացնի թուրքական ափի անմիջական հարևանությամբ գտնվող կղզիները։

 

«Եթե դա չի արվում, ապա Թուրքիան ինքնապաշտպանության իրավունք է ստանում, ինչն էլ իր հերթին հարցականի տակ է դնում այդ կղզիների ինքնիշխանությունը», - ասել է Աքարը։

Տեսանյութ