Քաղաքականություն

Պեկինն արձագանքել է Բայդենի հայտարարություններին

Պեկինն արձագանքել է Բայդենի հայտարարություններին
ԱՄՆ նախագահ Ջո Բայդենը CBS-ին տված հարցազրույցում ասել է, որ ԱՄՆ-ն կմիջամտի, եթե Չինաստանը ներխուժի Թայվան։ Հաղորդավարը հարց է հնչեցրել՝ արդյոք ԱՄՆ զինված ուժերը, ամերիկացի տղամարդիկ և կանայք…

ԱՄՆ նախագահ Ջո Բայդենը CBS-ին տված հարցազրույցում ասել է, որ ԱՄՆ-ն կմիջամտի, եթե Չինաստանը ներխուժի Թայվան։ 

Հաղորդավարը հարց է հնչեցրել՝ արդյոք ԱՄՆ զինված ուժերը, ամերիկացի տղամարդիկ և կանայք կպաշտպանեն Թայվանը Չինաստանի ներխուժման դեպքում՝ ի տարբերություն Ուկրաինայի։ Բայդենն այս հարցին պատասխանել է՝ «այո»։

 

Նա հավելել է, որ Թայվանն ինքն է որոշումներ կայացնում իր անկախության վերաբերյալ, ԱՄՆ-ը նրանց չի խրախուսում, դա նրանց որոշումն է։

Ի պատասխան Բայդենի այս խոսքերի՝ Չինաստանը բողոք է ներկայացրել ԱՄՆ-ին։ 

 

Reuters-ի փոխանցմամբ՝ Չինաստանի արտգործնախարարության խոսնակ Մաո Նինգը հայտարարել է, որ Չինաստանն իրավունք է վերապահում բոլոր անհրաժեշտ միջոցները ձեռնարկել՝ ի պատասխան այնպիսի գործողությունների, որոնք պառակտում են ազգը։

 

«Մենք ցանկանում ենք անել ամեն բան՝ խաղաղ վերամիավորման համար։ Միևնույն ժամանակ, մենք չենք հանդուրժի որևէ գործողություն՝ ուղղված անջատմանը»,- ասել է Չինաստանի ԱԳՆ խոսնակը։

 

Պաշտոնյան նաև ԱՄՆ-ին կոչ է արել Թայվանի հետ կապված հարցերին անդրադառնալ «զգուշությամբ» և «սխալ ազդանշաններ» չուղարկել Թայվանի անկախությանը ձգտող անջատողական ուժերին։ Մաո Նինգը նաև ԱՄՆ-ին նախազգուշացրել է չվնասել Չինաստան-ԱՄՆ հարաբերությունները և Թայվանի նեղուցում խաղաղությունը։


 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7974) Միջազգային (3506) ԱՄՆ (2355) Ռուսաստան (2227) Իրան (1778) Ընտրություններ (1280) Ուկրաինա (893) Երևան (818) Իսրայել (764) Ադրբեջան (671) Փաշինյան (580) Եվրոպա (528) Ազգային ժողով (482) Ընդդիմություն (473) Թրամփ (446)

Radio Aurora

Լսել Radio Aurora

Գովազդային տարածք

300x250