Հասարակություն

Ռուսաստանում մի շարք օդանավակայանների աշխատանքը սահմանափակվել է

Ռուսաստանում մի շարք օդանավակայանների աշխատանքը սահմանափակվել է
Ռուսաստանի մի շարք քաղաքների օդանավակայաններում օգոստոսի 21-ի գիշերը և առավոտյան ժամանակավոր սահմանափակումներ են մտցվել ինքնաթիռների ընդունման և թռիչքների իրականացման համար։ Այս մասին հայտնել է…

Ռուսաստանի մի շարք քաղաքների օդանավակայաններում օգոստոսի 21-ի գիշերը և առավոտյան ժամանակավոր սահմանափակումներ են մտցվել ինքնաթիռների ընդունման և թռիչքների իրականացման համար։ Այս մասին հայտնել է Ռոսավիացիան։


Մասնավորապես, ժամանակավորապես դադարեցվել են Մոսկվայի Դոմոդեդովո և Ժուկովսկի, ինչպես նաև Մախաչկալայի, Պերմի, Գրոզնիի, Կիրովի և Ուֆայի օդանավակայանների թռիչքներն ու վայրէջքները։


Ավելի վաղ սահմանափակումներ էին մտցվել նաև Վլադիկավկազի, Կազանի, Սամարայի և Չեբոկսարի օդանավակայաններում։


Մոսկվայի Վնուկովո օդանավակայանը շարունակում է աշխատել սահմանափակումներով։ Չվերթներն իրականացվում են համապատասխան մարմինների հետ համաձայնեցմամբ, հնարավոր են նաև փոփոխություններ չվացուցակում։


Միաժամանակ սահմանափակումները հանվել են Վոլգոգրադի, Կրասնոդարի և Սարատովի օդանավակայաններում։ Ռոսավիացիայի հաղորդագրություններից երևում է, որ Վլադիկավկազի և Գրոզնիի օդանավակայանների կարգավիճակը գիշերվա և առավոտվա ընթացքում փոփոխվել է՝ սահմանափակումները տարբեր ժամերի սահմանվել կամ հանվել են։


Ռոսավիացիան բոլոր դեպքերում նշել է, որ միջոցառումներն իրականացվում են թռիչքների անվտանգությունն ապահովելու նպատակով։

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7973) Միջազգային (3506) ԱՄՆ (2354) Ռուսաստան (2226) Իրան (1777) Ընտրություններ (1280) Ուկրաինա (892) Երևան (818) Իսրայել (764) Ադրբեջան (670) Փաշինյան (580) Եվրոպա (528) Ազգային ժողով (482) Ընդդիմություն (472) Թրամփ (446)

Radio Aurora

Լսել Radio Aurora

Գովազդային տարածք

300x250