Մանրամասներ` երեկ վիրավորում ստացած զինծառայողների առողջական վիճակի վերաբեյալ
Արցախում վիրավորում ստացած զինծառայողները հիմնականում բեկորային վնասվածքներ են ստացել։ Տեղեկությունը Sputnik Արմենիային հայտնեցին Արցախի առողջապահության նախարարության լրատվական բաժնից։
«Վիրավորում ստացածների թիվը նույնն է` 19 զինծառայող, որոնցից երկուսը ծանր վիճակում են, մեկը` ծայրահեղ ծանր։ Մյուս վիրավորների վիճակը բժիշկները գնահատում են միջին և թեթև ծանրության։ Զինվորները հիմնականում բեկորային վնասվածքներ են ստացել ԱԹՍ-ի հարվածներից»,- ասացին լրատվականից։
Միաժամանակ լրատվականին հայտնեցին նաև, որ վիրավորներից ոմանց Հայաստան են տեղափոխել, սակայն ստույգ թիվ նշել չեն կարող, քանի որ այդ թիվը ժամերի ընթացքում կարող է կրկին փոխվել։ Վիրավորում ստացած տղաները նաև վիրահատական միջամտության են ենթարկվել։
