ՏԵՍԱՆՅՈՒԹ. Ջուրը շինությունից քշել է մարդկանց, կան զոհեր. ջրհեղեղ` Իրանում
Առնվազն 5 մարդ է մահացել, ևս 9-ը տուժել են Իրանի Թեհրան նահանգի հյուսիսային հատվածում տեղի ունեցած ջրհեղեղի հետևանքով: Այս մասին հաղորդում է իրանական IRNA գործակալությունը։
Նշվում է, որ ևս 14 մարդ անհետ կորած է համարվում: Որոնողափրկարարական աշխատանքները շարունակվում են։ Դրանց մասնակցում են 80 փրկարարներ։
Իրանում հորդառատ անձրևների հետևանքով առաջացած ջրհեղեղը սկսվել է այս գիշեր Իմամզադե Դավուդ լեռնային շրջանում, որը գտնվում է Իրանի մայրաքաղաքից հյուսիս:
