Զինված բախում՝ Ադրբեջանի և Իրանի սահմանին․ մաքսանենգները կրակ են բացել և փախել

Կանխվել է Իրանից Ադրբեջանի Հանրապետություն թմրանյութերի խոշոր խմբաքանակ տեղափոխելու փորձը։ Պետական սահմանային ծառայության (GPS) մամուլի կենտրոնը տեղեկացնում է, որ շարունակվում են պետական սահմանի հուսալի պահպանության և թմրամիջոցների, հոգեմետ նյութերի ու դրանց նախորդների անօրինական շրջանառության դեմ ուղղված միջոցառումները, հայտնում է 1news.az-ը։

Ըստ Ադրբեջանի Պետական սահմանապահ ծառայության սահմանապահ զորքերի՝ արձանագրվել է պետական սահմանի խախտման փորձ․ Իրանի Իսլամական Հանրապետությունից դեպի Ադրբեջանի Հանրապետություն փորձել են անցնել չորս անհայտ անձինք։

«Սահմանային դիրքում անմիջապես հայտարարվել է «Պատրաստ ենք գործելու» հրամանը և ձեռնարկվել են անհրաժեշտ քայլեր խախտումը կանխելու նպատակով։ Սահմանապահ պարեկը արձակել է «Կանգնե՛ք» հրամանը և սկսել հետապնդումը՝ օդ կրակելով նախազգուշական կրակոցներ։

Խախտողները չեն ենթարկվել հրամանին և ցուցաբերել են զինված դիմադրություն։ Սահմանապահներին սպանելու մտադրությամբ նրանք կրակ են բացել, ապա թողել իրենց բերած ծանրոցները և մթության ու անտառապատ տարածքի պայմաններում փախել հակառակ ուղղությամբ։

Ներքին գործերի նախարարության աշխատակիցների հետ համատեղ իրականացված օպերատիվ-հետախուզական միջոցառումների արդյունքում հայտնաբերվել և առգրավվել են հանցագործներին պատկանող երեք փաթեթ թմրանյութ՝ ընդհանուր 33 կիլոգրամ 900 գրամ քաշով, ինչպես նաև այլ նյութական ապացույցներ։ Միջադեպի վերաբերյալ տեղեկություն է փոխանցվել հակառակ կողմին՝ սահմանային ներկայացուցչության միջոցով։

Դեպքի առնչությամբ քննչական և որոնողական գործողությունները շարունակվում են»,- ասվում է հայտարարության մեջ։