Ուկրաինայի Զապորոժիեի շրջանում ռուսական անձնագրեր կտրամադրեն
Ուկրաինայում սկսված հատուկ գործողության շրջանակում Զապորոժիեի շրջանի հարավային և կենտրոնական հատվածները վերահսկվում են ռուս զինվորականների կողմից։ Շրջկենտրոնը շարունակում է մնալ Կիևի վերահսկողության տակ։
«Մենք ընտրել ենք մի քանի տարածք Զապորոժիեի շրջանի քաղաքներում։ Դրանք են Բերդյանսկը, Էներգոդարը և այլ բնակավայրեր, որտեղ մոտ ապագայում կբացվեն անձնագրային կենտրոններ»,- ՏԱՍՍ-ին ասել է ՆԳՆ տարածաշրջանային վարչության պետի տեղակալ Ալեքսեյ Սելիվանովը։
Նա հավելել է, որ նոր կենտրոնների բացումը թույլ կտա ոչ միայն Մելիտոպոլի բնակիչներին դիմել Ռուսաստանի քաղաքացիություն ստանալու համար, այլև՝ տարածաշրջանի տարբեր շրջանների։
