Նրանց դրությունը վատթարացել է. Ռուբիո

ԱՄՆ պետքարտուղար Մարկո Ռուբիոյի պնդմամբ՝ Միացյալ Նահանգների իրականացրած ռազմական գործողությունների արդյունքում Իրանը լուրջ կորուստներ է կրել և թուլացել։

Ըստ Ռուբիոյի՝ Իրանի զինված ուժերն այժմ զրկվել են նավատորմից, ավիացիայից և գործարաններից, իսկ հրթիռային զինանոցից պահպանվել է միայն կեսը։ 

«Այդ ամենը ոչնչացվել է։ Այնպես որ նրանց դրությունը վատթարացել է, և նրանք զգալիորեն թուլացել են», — հայտարարել է նա։

Պետքարտուղարը նաև նշել է, որ պաշտոնական Թեհրանը ներկայում փորձում է բանակցային գործընթացի միջոցով ժամանակ շահել։ Նրա բնորոշմամբ՝ իրանցիները հմուտ ու փորձառու բանակցողներ են, ինչը Վաշինգտոնից պահանջում է առավելագույն զգոնություն։ 

«Մենք չենք կարող թույլ տալ նրանց սպրդել», — շեշտել է պաշտոնյան։

Ռուբիոն հավելել է, որ ցանկացած հնարավոր համաձայնագիր պետք է լինի այնպիսին, որը վերջնականապես և անդառնալիորեն կզրկի Իրանին ցանկացած պահի միջուկային զենքի ստեղծմանն անցում կատարելու հնարավորությունից։