Միջնորդների ճնշումն ու ԱՄՆ-Իրան բանակցությունների վճռորոշ փուլը

ԱՄՆ-ի և Իրանի միջև քննարկվող հնարավոր համաձայնագիրը կարող է ներառել վերադարձ մինչպատերազմյան ստատուս քվոյին:

CNN հեռուստաալիքը, հղում անելով իր աղբյուրներին, հայտնում է, որ ներկայիս բանակցությունները կենտրոնացած են փուլային տարբերակի վրա: Համաձայնագրի հավանական առաջին մասը նվիրված կլինի նախկին ստատուս քվոյի վերականգնմանը և Հորմուզի նեղուցի անարգել բացմանը՝ առանց տուրքերի ու սահմանափակումների: Միևնույն ժամանակ շեշտվում է, որ միջուկային ծրագրին առնչվող հարցերը կքննարկվեն ավելի ուշ:

Չնայած Պակիստանում նախատեսված բանակցությունների երկրորդ փուլի չկայանալուն, կողմերի միջև ակտիվ դիվանագիտական գործընթաց է ընթանում: Ըստ CNN-ի՝ կողմերի դիրքորոշումները միմյանցից բավականին մոտ են: Հեռուստաալիքի աղբյուրները նաև հայտնում են, որ միջնորդները ճնշում են գործադրում կողմերի վրա՝ վերջնական համաձայնության հասնելու համար, իսկ առաջիկա օրերը վճռորոշ նշանակություն կունենան: