Մերցի հայտարարությունը վերջնագիր է Զելենսկու համար. Մենդել

Գերմանիայի կանցլեր Ֆրիդրիխ Մերցի դիրքորոշումը տարածքային զիջումների վերաբերյալ վերջնագիր է դարձել Վլադիմիր Զելենսկու համար, նշել է նրա նախկին մամուլի քարտուղար Յուլիա Մենդելը։

Յուլիա Մենդելը X սոցիալական ցանցի իր հրապարակման մեջ ընդգծել է, որ Մերցը հրապարակավ խոստովանել է այն, ինչի մասին Եվրոպայում շատերն էին շշնջում։ Ըստ նրա՝ Ուկրաինան, հնարավոր է, ստիպված լինի ընդունել իր տարածքի մի մասի անվերադարձ կորուստը Ռուսաստանի հետ ապագա խաղաղության ցանկացած համաձայնագրի շրջանակներում։
 
 
Մենդելը հավելել է, որ Բեռլինից հնչող նման հայտարարությունը բացահայտ ուղերձ է այն մասին, որ տարածքային զիջումները կարող են դառնալ եվրոպական ապագայի գինը։ 

Նախօրեին Ֆրիդրիխ Մերցը հայտարարել էր, որ խաղաղության համաձայնագրի կնքման և Եվրամիությանն անդամակցելու նպատակով Ուկրաինան ստիպված կլինի գնալ տարածքային զիջումների։ Գերմանիայի կանցլերի խոսքով՝ Կիևից կարող է պահանջվել այդ հարցով հանրաքվե կազմակերպել, որից հետո Զելենսկին հնարավորություն կունենա ուկրաինացիներին ասել. «Ես ձեր առջև բացեցի դեպի Եվրոպա տանող ուղին»։