Ջո Բայդենը արտակարգ դրություն է հայտարարել ԱՄՆ-ում էլեկտրական հզորության դեֆիցիտի սպառնալիքի պատճառով
ԱՄՆ նախագահ Ջո Բայդենը արտակարգ դրություն է հայտարարել երկրում էլեկտրաէներգիա արտադրող հզորությունների հնարավոր սակավության պատճառով։
«Մի քանի գործոն սպառնում են ԱՄՆ-ի՝ անհրաժեշտ քանակությամբ էլեկտրաէներգիա արտադրելու հնարավորություններին»,- ասել է նա։
.
«Հայտարարում եմ արտակարգ իրավիճակի առկայության մասին՝ սպառողների պահանջարկը բավարարելու համար էներգիայի արտադրության բավարար հզորության առկայության սպառնալիքների պատճառով», - ասվում է Սպիտակ տան հայտարարության մեջ:
Նախագահը երկու տարի ժամկետով ազատել է ներմուծման մաքսատուրքերից «որոշ արևային մարտկոցներ և մոդուլներ», որոնք ներմուծվում են Կամբոջայից, Մալայզիայից, Թաիլանդից և Վիետնամից։
Ավելի վաղ ԱՄՆ-ի Արևմուտքի և Միջին Արևմուտքի մի քանի նահանգների բնակիչները զգուշացվել էին այս ամառ անոմալ շոգի և երաշտի պատճառով էլեկտրաէներգիայի հնարավոր անջատումների մասին:
