Մասնագետը վերծանել է Թրամփի և Կարլ III-ի գաղտնի զրույցը

Daily Mail թերթը հայտնում է, որ շրթունքներով կարդալու փորձագետը վերծանել է ԱՄՆ նախագահ Դոնալդ Թրամփի և Մեծ Բրիտանիայի թագավոր Կարլ III-ի զրույցը, որը տեղի է ունեցել թագավորական զույգի՝ Վաշինգտոն ժամանման ողջույնի ընթացքում։ Կարլ III-ը ԱՄՆ է ժամանել երկուշաբթի օրը, իսկ երեքշաբթի նախատեսված է նրա ելույթը Կոնգրեսի առջև։ Սա կլինի բրիտանական թագավորական ընտանիքի ներկայացուցչի առաջին ելույթը Կոնգրեսում 1991 թվականից ի վեր, երբ Եղիսաբեթ II թագուհին դարձավ ամերիկյան օրենսդիրների առջև ելույթ ունեցած առաջին բրիտանական միապետը։

Հրատարակության համաձայն՝ մասնագետ Նիկոլա Հիքլինգը հայտարարել է, որ կարճատև զրույցի ժամանակ նախագահն անդրադարձել է շաբաթ օրը Սպիտակ տան թղթակիցների ընթրիքի ընթացքում տեղի ունեցած հրաձգությանը։ Ըստ Հիքլինգի՝ Թրամփի կողմից հրաձգության հիշատակմանն ի պատասխան Կարլ III-ը նշել է, որ «կնախընտրեր այնտեղ չկանգնել պարապ սպասելով չափազանց երկար», քանի որ զգում է, որ ինքը «չպետք է լինի» այնտեղ։