Բաբկեն Թունյանն արձագանքել է Նարեկ Կարապետյանի հայտարարությանը

«Նարեկ Կարապետյանն այսօր ասել է․ «Ցեմենտի գործարանը փակվում էր, մենք կողքը մետալուրգիական էինք կառուցում»: Էստեղ ամենաճիշտ ձևակերպումը «էինք»-ն է՝ անցյալ ժամանակով: Այս մասին հայտնել է ՀՀ ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը:

«Ամրան արտադրող գործարան էին կառուցում, անցյալ տարվա փետրվար-մարտին պիտի արտադրանք տար: ԱԺ-ում քննարկման ժամանակ ասում էին՝ պրոցեսը ձգձգվում է, տեղական արտադրողին պաշտպանող տուրքի ներդրումը հետաձգեք, սեպտեմբերին արտադրանք կտանք (2025 թվականի):

Մեկդ հարցրեք՝ վերջը կառուցեցի՞ն: Ամրան արտադրո՞ւմ են)))) 

Ու էս մարդիկ խոսում են Հայաստանում նավթավերամշակման գործարան կառուցելուց, պղնձաձուլարան կառուցելուց, 5 տարում 300 հազար աշխատատեղ ստեղծելուց...

Նշեմ, որ այս ընթացքում գործող 1 գործարանից բացի՝ ևս 2 գործարան սկսել են ամրան արտադրել:

Հ.Գ. - Իսկ «Հրազդան ցեմենտը», որի մասին նա ըստ երևույթին խոսում է, լրիվ այլ պատմություն է, որի խնդիրները սկսվել են դեռ այն ժամանակ, երբ իրենց ընտանիքի անդամները իշխանության մեջ էին»»,– հայտնել է Թունյանը: