Թրամփի հարսն արձագանքել է նախագահի դեմ մահափորձին

Սպիտակ տան ղեկավարի հարսը՝ Լարա Թրամփը, հայտնել է, որ Դոնալդ Թրամփը յուրաքանչյուր ելույթի կամ տեղաշարժի ժամանակ գիտակցում է իր կյանքին սպառնացող վտանգը։

SiriusXM-ին տված հարցազրույցի ընթացքում Լարա Թրամփը նշել է, որ նախագահը մշտապես մտածում է մահափորձի ռիսկերի մասին, երբ որևէ վայր է մեկնում։ Նա ընդգծել է, որ Դոնալդ Թրամփը մարդ է և արժանի չէ, որ իր կյանքը բազմիցս վտանգվի։

«Նա արժանի չէ նրան, որ ամեն անգամ, երբ ինչ-որ տեղ է գնում, մտածի (և մի խաբեք ինքներդ ձեզ, նա իսկապես մտածում է այդ մասին)՝ արդյո՞ք սա այն դեպքը չի լինի, երբ ինչ-որ մեկը նորից կփորձի ինձ վերացնել: Եվ, ինչպես արդեն ասացի, ես չգիտեմ, թե ընդհանրապես քանի հնարավորություն կարող է ունենալ մեկ մարդը: Եվ դա իսկապես շատ, շատ սարսափելի միտք է»,— ասել է Լարա Թրամփը՝ հավելելով, որ ի վերջո բոլորն էլ մարդ են։