Իրանը Հորմուզի նեղուցով անցման վճարների գանձման օրենք է պատրաստում

Իրանի խորհրդարանի ազգային անվտանգության և արտաքին քաղաքականության կոմիտեի անդամ Ալայեդդին Բորուջերդին հայտնել է Հորմուզի նեղուցով անցման նոր կարգ սահմանող օրենքի մշակման մասին։

Իսլամական Հանրապետության Մեջլիսի (խորհրդարան) ներկայացուցիչ Ալայեդդին Բորուջերդին տեղեկացրել է, որ անցկացվել են բազմաթիվ նիստեր՝ «Հորմուզի նեղուցի անվտանգության պլանի» միջազգային և իրավական կողմերը քննարկելու նպատակով։ Մեջլիսի մամուլի ծառայությունը մեջբերում է պատգամավորի խոսքը. «Այս պլանը կընդունվի պարտադիր օրենքի տեսքով՝ խորհրդարանի բացումից անմիջապես հետո, և կուղարկվի կառավարությանը՝ կատարման»։

Բորուջերդիի փոխանցմամբ՝ Իրանի Կենտրոնական բանկն արդեն բացել է չորս հատուկ հաշիվներ իրանական ռիալով, յուանով, դոլարով և եվրոյով՝ նեղուցով անցման դիմաց վճարները գանձելու համար։ Այդուհանդերձ, թվային արժույթի ենթակառուցվածքի գործարկումից հետո վճարումը ռիալով կատարելու պարտադիր պահանջ է սահմանվելու։