Իսրայելի պաշտպանության նախարարը զգուշացրել է «Հեզբոլլահի» առաջնորդին

Իսրայելի պաշտպանության նախարար Իսրայել Կացը հայտարարել է, որ «Հեզբոլլահի» առաջնորդ Նաիմ Քասեմը «կրակի հետ է խաղում»։

Լիբանանում ՄԱԿ-ի դեսպան Ժանին Հեննիս-Պլասշերտի հետ հանդիպման ընթացքում Իսրայել Կացը նշել է, որ «Հեզբոլլահի» գլխավոր քարտուղար Նաիմ Քասեմը «կրակի հետ է խաղում», իսկ Լիբանանի նախագահ Ջոզեֆ Աունը վտանգում է պետության ապագան։ Նախարարն ընդգծել է, որ Իսրայելը չի հանդուրժի մի իրավիճակ, երբ հրադադարի պայմաններում շարունակվեն հրետակոծությունները։

Ըստ նրա՝ չի կարող լինել գործող հրադադար, քանի դեռ իսրայելական ուժերն ու Գալիլեայի բնակավայրերը գտնվում են կրակի տակ։ Կացը զգուշացրել է հնարավոր հետևանքների մասին՝ ասելով. «Նայիմ Քասեմը կրակի հետ է խաղում, և այս կրակը կուլ կտա «Հեզբոլլահին» և ամբողջ Լիբանանը։ Եթե Լիբանանի կառավարությունը շարունակի պաշտպանել «Հեզբոլլահին», Լիբանանի մայրիները կխորտակվեն կրակի մեջ»։