Ինչ է սպառնում Թրամփի մասնակցությամբ երեկույթի ժամանակ կրակողին

ԱՄՆ գլխավոր դատախազի պաշտոնակատար Թոդ Բլանշը հայտարարել է, որ Սպիտակ տան թղթակիցների ասոցիացիայի ընդունելության ժամանակ հրաձգություն իրականացրած անձին սպառնում է ցմահ ազատազրկում։

Մամուլի ասուլիսի ընթացքում Թոդ Բլանշը նշել է, որ 31-ամյա Քոուլ Թոմաս Ալենին, ով Կալիֆորնիա նահանգի բնակիչ է, երեք մեղադրանք է առաջադրվել։ Ալենը մեղադրվում է նաև նահանգների սահմաններով հրազեն տեղափոխելու և այն կիրառելու մեջ։

Կոլումբիայի շրջանի դատախազ Ջանին Փիրոն իր հերթին հայտնել է, որ քննության գործընթացում հնարավոր է նոր մեղադրանքների առաջադրում։

Միջադեպը գրանցվել է ապրիլի 25-ին Վաշինգտոն Հիլթոն հյուրանոցում՝ Սպիտակ տան թղթակիցների ասոցիացիայի ամենամյա ընթրիքի ժամանակ։ Միջոցառմանը ներկա են եղել ԱՄՆ նախագահ Դոնալդ Թրամփը և ամերիկյան վարչակազմի անդամներ։ Կրակոցների հետևանքով վիրավորում է ստացել Գաղտնի ծառայության մի աշխատակից, իսկ հրաձգություն իրականացնողը բերման է ենթարկվել։