ԱՄՆ-ից անսպասելի հայտարարություն են արել Իրանի վերաբերյալ

ԱՄՆ զինված ուժերի պաշտոնաթող փոխգնդապետ Դենիել Դևիսը հայտարարել է, որ Վաշինգտոնը պետք է համաձայնի Թեհրանի առաջարկած պայմաններին։

X սոցիալական ցանցում կատարած գրառման մեջ Դենիել Դևիսը նշել է, որ ներկա իրավիճակում հաջողության հասնելու միակ հնարավոր տարբերակը բանակցությունների միջոցով Իրանի համար ընդունելի և Միացյալ Նահանգների համար հասանելի լավագույն պայմաններն ընդունելն է։ Ըստ փորձագետի՝ դա թույլ կտա վերջ դնել սեփական գործողություններով հարուցված ֆինանսական դժվարություններին, որոնք շարունակաբար վատթարանում են փետրվարին կայացված պատերազմ սկսելու որոշման պատճառով։

«Այն ամենը, ինչ մենք կարող ենք անել այս պահին և ինչն ունի հաջողության գոնե որոշակի հնարավորություն, դա բանակցությունների արդյունքում մեզ համար հասանելի և Թեհրանի համար ընդունելի լավագույն պայմաններն ընդունելն է, ու ապրելը մինչև հաջորդ օրը, որպեսզի վերջ դնենք մեր իսկ պատճառած ֆինանսական տառապանքներին, որոնք շարունակում են վատթարանալ օրեցօր՝ փետրվարին կայացված պատերազմ սկսելու հիմար որոշման պատճառով, որը մենք չկարողացանք ավարտել», — գրել է նա։

Փոխգնդապետի համոզմամբ՝ Իրանի դեմ կիրառվող ծովային շրջափակումն արդյունավետ չէ և միայն հսկայական վնաս է հասցնում հենց Միացյալ Նահանգներին։ Նա ընդգծել է, որ Թեհրանի առաջարկած պայմանները հնարավոր տարբերակներից լավագույնն են։

«Մենք միանշանակ գտնվում ենք վատթարագույն վիճակում», — եզրափակել է Դևիսը։