Ալիևը ռուս լրագրող Մաքսիմ Շևչենկոյի գլխավոր հրամանատարն է. ռուս պատգամավոր
Ադրբեջանի նախագահ Իլհամ Ալիևը ռուս լրագրող Մաքսիմ Շևչենկոյի գլխավոր հրամանատարն է: Նման հայտարարություն է արել «Եդինայա Ռոսիա» կուսակցության պատգամավոր Բիյսուլթան Սուլթանբիևիչ Խամզաև (Խմբ.՝ ավելի հայտնի՝ որպես Սուլթան Խամզաև):
«Շևչենկոն սպասարկում է թուրք-ադրբեջանական լոբբիին. Ո՞վ է Մաքսիմի համար ամենահիասքանչ հրամանատարը....Իհարկե Իլհամ Ալիևը: Մաքուր մանկուրտներ, յուրայիններին արհամարհող մարդիկ, էությամբ դավաճաններ... Ես հասկանում եմ, որ նմաններիդ համար Թուրքիան ամենագեղեցիկ վայրն է։ Գիտե՞ք ինչ են արել թուրքերը ձեր նմանների հետ։ Ներքինիներին, ենիչերիներին, ընտանիքներից խլում էին և դարձնում ստրուկներ՝ մանկուրտներ»,- հայտարարել է պատգամավորը:
