ԱՄՆ-ն դեմ է Սիրիայում ցանկացած էսկալացիայի. Բլինքեն
Վաշինգտոնը դեմ է Սիրիայում ցանկացած էսկալացիայի, հայտարարել է ԱՄՆ պետքարտուղար Էնթոնի Բլինքենը, գրում է РИА Новости-ն:
Այսպիսով Բլինքենը մեկնաբանել է Սիրիայում Թուրքիայի հնարավոր նոր ռազմական գործողությունը:
Նրա խոսքով` ԱՄՆ-ն «վախենում է, որ ցանկացած հարձակողական գործողություն կխաթարի տարածաշրջանային կայունությունը» և «չարագործներին հնարավորություն կտա անկայունությունն օգտագործել սեփական շահերից ելնելով»:
Ըստ լրատվամիջոցի՝ ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ զինված ուժերը հակաահաբեկչական գործողություններ կսկսեն երկրի սահմաններում:
