Ռուսաստանում 2025-ից կարգելվեն օտարերկրյա տեղեկատվական անվտանգության համակարգերը

ՌԴ նախագահ Վլադիմիր Պուտինն ասել է, որ 2025 թվականից օտարերկրյա տեղեկատվական անվտանգության համակարգերը կարգելվեն՝ երկրի դեմ «տեղեկատվական պատերազմի» պատճառով։ Այս մասին գրում է ռադիո «Свобода»-ն:

Նշվում է, որ փոխարենը երկրի նախագահն առաջարկել է ստեղծել տեղեկատվական անվտանգության միասնական պետական ​​համակարգ։ Պուտինն այս մասին ասել է Անվտանգության խորհրդի նիստի ժամանակ։
 

«Կրիտիկական նշանակության օբյեկտների տեղեկատվական անվտանգության ապահովման համար բոլոր կառույցների գործողությունների համակարգումը պետք է ամրագրվի ռազմավարական մակարդակում»,- կարծում է Պուտինը։

Նրա կարծիքով, դա անհրաժեշտ է «տարբեր պետությունների» կողմից ռուսական կառույցների և ծառայությունների վրա կիբերհարձակումների աճի պատճառով։
 

Տեղեկատվության պաշտպանության գործիքները ներառում են՝ հակավիրուսային ծրագրեր, DDoS հարձակումները կանխելու ծրագրեր, արտահոսքի պաշտպանության համակարգ, օգտատերերի նույնականացման ծառայություններ և այլն:

Քաղաքականություն

Պատահարներ