ԱՄՆ-ն Ռուսաստանի համար թշնամական պետություն է․ Պեսկով

ՌԴ նախագահի մամուլի խոսնակ Դմիտրի Պեսկովը հայտարարել է, որ Արևմուտքն ու ԱՄՆ-ն, որոնք Ռուսաստանի դեմ հիբրիդային պատերազմ են վարում, վերածվել են թշնամական պետությունների։

«Այն, ինչն այսօր տեղի է ունենում, ինչին մենք բախվում ենք, հիբրիդային պատերազմ է։ Դա արտահայտվում է ոչ միայն նրանով, որ ամերիկյան ու բրիտանական խորհրդականները ուկրաինական զինված ազգայնականներին թելադրում են՝ ինչ անել, հետախուզական ինֆորմացիա են տրամադրում նրանց և այլն։ Ոչ։ Նրանք մեր դեմ ծավալել են դիվանագիտական պատերազմ, քաղաքական պատերազմ, աշխարհից մեզ մեկուսացնելու փորձեր են անում, ծավալել են տնտեսական պատերազմ»,- ասել է Պեսկովը։

 Նա հավելել է, որ մինչ այս Արևմուտքին ու ԱՄՆ-ին տրվող «ոչ բարեկամական պետություններ» ձևակերպումը մեղմ է։

«Մենք նախկինի պես նրանց անվանում են ոչ բարեկամական պետություններ, բայց ես կասեի, որ նրանք արդեն թշնամական պետություններ են, որովհետև այն, ինչը նրանք են անում, պատերազմ է»,- հայտարարել է Պեսկովը։