Նիկոլ Փաշինյանը հարցաքննվելու է
ՔԿ հատկապես կարևոր գործերի քննության վարչության պետ Ռաֆայել Վարդանյանը եկավ ՀՀ քննչական կոմիտեի զինվորական քննչական գլխավոր վարչության շենքի մոտ, որտեղ հավաքվել էին 44-օրյա պատերազմում զոհվածների հարազատները։
Նա հայտարարեց, որ քրեական գործի շրջանակներում կա դատախազի կողմից տրված ցուցում, որի պահանջները կատարվելու են, ժամկետների հետ կապված հարցեր կհստակեցվեն Հայաստանի քննչական կոմիտեի ղեկավար Արգիշտի Քյարամյանի և զոհվածների ծնողների, ինչպես նաև նրանց շահերը ներկայացնող փաստաբան Արա Զոհրաբյանի առաջիկա հանդիպումից հետո։
«Նիկոլ Փաշինյանը հարցաքննվելու է, որի հետ կապված ժամկետները կհստակեցվեն»,–ասաց Վարդանյանը։
