ՌԴ ԱԳՆ-ն` Հայաստանում ընդդիմության ցույցերի մասին
Ռուսաստանը հայաստանյան բողոքի շարժումը դիտարկում է որպես հանրապետության ներքին գործ և չի միջամտում այդ գործընթացներին։ Ինչպես հայտնում է ՏԱՍՍ–ը, այս հայտարարությունն արել է ՌԴ փոխարտգործնախարար Անդրեյ Ռուդենկոն։
«Դա Հայաստանի ներքին գործն է` այն ամենը, ինչ կատարվում է այնտեղ, և այն, ինչ հայտարարում է Հայաստանի բարձրագույն ղեկավարությունը։ Մենք գիտենք այդ մասին և այդ գործընթացներին չենք միջամտում»,- ասել է Ռուդենկոն։
Հիշեցնենք` ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
