Ուկրաինայի անդամակցությունը Եվրամիությանը վտանգավոր է. Լավրով

ՌԴ արտաքին գործերի նախարար Սերգեյ Լավրովը վտանգավոր է համարել Եվրամիությանն անդամակցելու Ուկրաինայի մտադրությունը: Այս մասին նա նշել է Դուշանբեում ԱՊՀ անդամ երկրների արտգործնախարարների խորհրդի նիստից հետո:

«Պետք է հաշվի առնել, որ Եվրամիությունը կառուցողական և տնտեսական հարթակից վերածվել է ռազմատենչ խաղացողի։ Եվրամիությունը շարժվում է ՆԱՏՕ-ի հետքերով»,- ասել է նա։
 

Ըստ Լավրովի՝ չնայած Ուկրաինայի ղեկավարության հրապարակային հայտարարություններին՝ Մոսկվայի հետ շփումներում Կիևը պատրաստակամություն է հայտնում ընդունելու երկրի ոչ դաշինքային և չեզոք կարգավիճակը՝ համապատասխան երաշխիքներ ստանալու դեպքում։