Պենտագոնի ղեկավարն ու Շոյգուն 1 ժամից ավելի բանակցություններ են ունեցել
Մայիսի 13-ին ԱՄՆ պաշտպանության նախարար Լլոյդ Օսթինի և ՌԴ պաշտպանության նախարար Սերգեյ Շոյգուի բանակցությունները տևել են մոտ մեկ ժամ և չեն հանգեցրել որևէ կոնկրետ հարցի լուծման։ Այս մասին հայտնում է Reuters գործակալությունը՝ հղում անելով ԱՄՆ վարչակազմի ներկայացուցչին, գրում է Газета-ն:
Վարչակազմի պաշտոնյայի խոսքով՝ «զանգը, որը Օսթինը խնդրել էր, տևել է մոտ մեկ ժամ, բայց չի լուծել որևէ կոնկրետ խնդիր կամ ուղղակի փոփոխությունների չի հանգեցրել»՝ կապված Ուկրաինայում ռուսական հատուկ գործողության հետ։
Ավելի վաղ նշվում էր, որ Ռուսաստանի և ԱՄՆ-ի պաշտպանական գերատեսչությունների ղեկավարներն առաջին անգամ զրուցել են փետրվարի կեսերից ի վեր։ Կողմերը քննարկել են Ուկրաինայի հետ կապված հարցեր։ Պենտագոնն ընդգծել է, որ Օսթինը Շոյգուին հորդորել է անհապաղ դադարեցնել կրակը Ուկրաինայում և ընդգծել է երկու երկրների ռազմական նախարարությունների միջև կապի գծերի պահպանման կարևորությունը։
