Պուտինը չի ցանկանում պատերազմ ՆԱՏՕ-ի հետ. ԱՄՆ ՊՆ նախարար
Ռուսաստանի նախագահ Վլադիմիր Պուտինը չի ցանկանում պատերազմ ՆԱՏՕ-ի հետ։ Այս մասին հայտարարել է ԱՄՆ պաշտպանության նախարար Լլոյդ Օսթինը, հայտնում է Bloomberg-ը։
Նա կասկածում է, որ Ռուսաստանը կընդլայնի պատերազմը, օրինակ՝ հարձակվելով Լեհաստանի հրթիռային օբյեկտների վրա, քանի որ Պուտինը չի ցանկանում պատերազմել ՆԱՏՕ-ի դաշինքի հետ։ «Սա մարտ է, որը նա իսկապես չի ցանկանում»,- ասել է Օսթինը:
«Սա արագ կվերաճի այլ տեսակի առճակատման, որը ոչ ոք չի ուզում տեսնել»,- ասել է Օսթինը:
Նրա խոսքով՝ ինքը Ուկրաինայի ղեկավարներին ընդգծել է երկիր ուղարկվող ամերիկյան զենքի հետագծման կարեւորությունը, որպեսզի այն ճանապարհից չշեղվի: «Հաշվետվությունը բոլորիս համար կարեւոր է»,- ասել է նա։
