Պուտինը շքերթում չկարողացավ ռազմական հաջողությունների մասին հայտարարել. ինչ է հայտարարել Մեծ Բրիտանիայի ՊՆ-ն

 Ռուսաստանի կողմից Ուկրաինայի դիմադրության թերագնահատումը և  «լավագույն սցենարով» պլանավորումը հանգեցրին ակնհայտ գործառնական սխալների: Դա Պուտինին խանգարեց մայիսի 9-ի Հաղթանակի օրվա շքերթում հայտարարել Ուկրաինայում զգալի ռազմական հաջողությունների մասին: Այս մասին հայտնել է Մեծ Բրիտանիայի պաշտպանության նախարարությունն իր թվիթերյան էջում։

«Շատ հավանական է, որ Ռուսաստանի ներխուժման ծրագիրը հիմնված է եղել այն սխալ ենթադրության վրա, որ կհանդիպի սահմանափակ դիմադրության և կկարողանա արագորեն շրջապատել և շրջանցել բնակեցված տարածքները», - ասվում է հայտարարության մեջ:

Այս ենթադրությունը դրդել է ռուսական ուժերին փորձել իրականացնել գործողության սկզբնական փուլը հեշտ և ճշգրիտ մոտեցմամբ՝ նախատեսված նվազագույն գնով արագ հաղթանակի հասնելու համար։

«Այս սխալ հաշվարկը հանգեցրեց ահռելի կորուստների և հետագայում Ռուսաստանի օպերատիվ ուշադրության թուլացմանը»,- նշել են Մեծ Բրիտանիայի պաշտպանության նախարարությունում։